紙紮 iPhone

早一日提到, 隨著水貨 iPhone 給先達人解鎖 Unlock,
引至各高科技用戶的大量購入, iPhone 熱潮直捲香港。

又因日日都有人死, (又唔見我死!?) , iPhone 在冥界的熱潮亦慢慢成風,
在紙紮鋪的需求更加日益增加,
因此小弟馬上找回幾個月前儲落的紙紮 iPhone 大家應急應急!!!

• 下載紙紮 iPhone

(說說笑吧! 不要介意!)

紙紮祭品

係用嚟燒俾已經仙遊咗人去陰間用嘅紙祭品。陰間用嘅陰司紙金銀衣紙及壽衣……等，統稱為冥鏹。

紙紮祭品通常係要用到藤枝，將佢紮成物品嘅外殼形狀，
然後用唔同需要而剪裁出嚟嘅油紙，填舖喺藤枝與 藤枝之間，
等佢喺外觀上望落去與實際物品相似。因為藤枝可以任意扭曲，
可以隨意造型，所以紮作祭品嘅種類可謂包羅萬有，
好似有可以俾先人享用嘅紙紮大屋、 傭人……等等；
隨著時代嘅進步同埋娛樂嘅「需要」，
甚至有真係有哂144隻紙造嘅麻雀牌、天九、唔同型號嘅手提電話、遊戲機、手提電腦……等，
仲可以訂造 汽車、遊船、飛機、電視、音響器材哩啲大型少少嘅紙紮祭品俾先人享用。
香港已故著名歌影藝人梅艷芳出殯嘅時候，佢嘅徒弟們更特登訂造咗一個紙紮嘅大舞台，
足足有成張乒乓波檯咁大，等佢哋嘅師父可以喺另一世界都可以開吓演唱會，過吓表演癮。
又如馬壇名宿董驃過身，親友特登訂造一個馬場比佢繼續策馬揚鞭。

紙紮祭品亦都係要通過燃燒先至可以傳到先人手上。
(維基百科)